Os Encontros Emprendedores abordan a economía circular como oportunidade para promover novas iniciativas
A celebración destes Encontros persegue dous obxectivos principais: por unha banda, dar a coñecer o Plan de Acción da Axenda Urbana 2030; e por outra, establecer un espazo de encontro, diálogo e debate entre experiencias inspiradoras que motiven ás persoas asistentes a xerar iniciativas económicas arredor dos valores dos Obxectivos de Desenvolvemento Sostible.
O Concello ofrece un paseo nocturno pola cidade no marco do programa Slowlight
Con motivo do Día Internacional da Luz (DIL 2023) que se celebra o vindeiro 16 de maio, o Concello de Santiago ofrece un paseo nocturno o luns 15 de maio co fin de concienciar á cidadanía sobre o uso responsable da iluminación artificial. Esta iniciativa, que se realiza de forma simultánea en varias cidades, está promovida pola Asociación SLOWLIGHT e a Asociación de Deseñadores Profesionais de Iluminación APDI, co apoio das empresas FERROVIAL e TELEVÉS.
A Xunta de Goberno Local aproba a licitación da dirección facultativa das actuacións de mellora de eficienca enerxética do alumeado público
O pasado 11 de abril, a Xunta de Goberno Local adxudicaba o contrato de "Servizos enerxéticos e de mantemento, funcionamento e subministración do alumeado público exterior do concello de Santiago" á UTE Ferrovial Construcción S.A. e ENDESA X Servicios S.L., por un importe total de 41.765.702,55 euros, IVE engadido. Este novo contrato permitirá a renovación e mantemento do alumeado das rúas, prazas, e outros espazos públicos do municipio por un período de dez anos, incorporando o uso da tecnoloxía LED e dun sistema de enerxía 100% renovable
Santiago recibe os fondos Next Generation para a consolidación do Anel verde de Compostela
O investimento contemplado no proxecto é de 3.803.774,91 euros, sen IVE. Os 190.188,74 restantes aportaraos o Concello de Santiago e a USC, xa que se tratada dun partenariado entre ambas institucións. A esta cantidade sumaríaselle o IVE, 677.180,92; polo que o custe total sería de 4.480.955,83 euros. O "Proxecto para a renaturalización, mellora da biodiversidade e consolidación da infraestrutura verde de Santiago.
As Cidades Patrimonio fan un chamamento á colaboración das administracións para dar resposta a grandes retos en materia de vivenda, rehabilitación e sustentabilidade urbana
A Cidade de Segovia acolleu a clausura das xornadas "Cidades Habitadas. Vida e sustentabilidade urbana nas Cidades Patrimonio da Humanidade". Segundo a alcaldesa de Segovia e vicepresidenta do Grupo, Clara Martín, "entre os nosos retos destacan a xeración de vivenda pública; os prezos da vivenda, xerar unha mobilidade sustentable e promover un control de turismo que non bote aos residentes.
Segovia acolle as xornadas para abordar os grandes retos das Cidades Patrimonio en ámbitos como a rehabilitación do patrimonio, o turismo ou a sostenibilidade
"Cidades Habitadas. Vida e sustentabilidade urbana nas Cidades Patrimonio da Humanidade" é o título das xornadas que arrancaron onte e se desenvolven ao longo do día de hoxe, 25 de abril, organizadas pola Comisión de Patrimonio e Cidade do Grupo e coordinadas pola área de Patrimonio Histórico do Concello de Segovia.
Mañá celebrarase o cuarto Encontro Participativo Temático no marco da actualización do Plan de Mobilidade Urbana Sostible
Os Encontros Participativos Temáticos que se están a desenvolver durante os meses de marzo e abril pretenden propiciar o debate arredor das necesidades, retos e propostas en diferente ámbitos temáticos relacionados coa mobilidade na cidade de Santiago. Abertos á participación de toda a cidadanía, a modalidade será telemática e céntranse nas seguintes temáticas específicas:
- mobilidades brandas e activas: peón, bicicleta e VMP (29 de marzo, ás 17:00h)
- transporte público: autobús, tren e taxi (12 de abril, ás 10:00h)
A Xunta de Goberno ten previsto aprobar este luns a licitación da reforma do Mercado de Abastos
O Mercado de Abastos localízase nun inmoble de titularidade municipal, sobre o que se realizaron obras de remodelación contratadas pola Administración xeral do Estado (a través da Dirección Xeral de Arquitectura, Vivenda e Solo) á empresa TRAGSA, e que se executaron en 2014. Desde que remataron as estas obras, o edificio ven arrastrando unha serie de deficiencias recollidas no "Informe sobre o estado da Praza de Abastos de Santiago de Compostela".
O Cambio Climático e a Resiliencia centrarán o martes 25 de abril o terceiro Encontro Emprendedor da Axenda Urbana 2030 de Santiago
A xornada estará protagonizada por Miguel Pardellas Santiago, de Feitoría Verde. Esta cooperativa conta cunha extensa traxectoria promovendo proxectos participativos arredor da educación e o coidado ambiental. Neste senso, o testemuño de Pardellas servirá como exemplo de contribución á loita contra o cambio climático e a resiliencia, poñendo o foco na acción comunitaria para o coidado da contorna de Compostela.