O edificio Cersia acolleu hoxe o curso “Saber doar. A axuda humanitaria desde os concellos” impulsado polo Fondo Galego de Cooperación e Solidariedade do que fai parte o Concello de Santiago. A concelleira de Dereitos e Servizos Sociais, Promoción Económica e Xuventude, María Rozas, abriu a xornada reivindicando “o papel relevante que debemos ter as administracións locais en materia de axuda humanitaria e cooperación internacional, un convencemento co que traballamos desde o Concello de Santiago”.

A tenenta de alcaldesa agradeceu ao Fondo Galego de Cooperación e Solidariedade o seu traballo, e ás persoas asistentes ao curso “o interese, vontade e compromiso cun asunto que demasiadas veces se cuestiona que teña algo que ver co traballo que debemos abordar desde os concellos: a axuda humanitaria e a cooperación internacional”. María Rozas sinalou que é fundamental abordar estas cuestións “con coñecementos, certa preparación, e moita coordinación”. Tamén puxo en valor o compromiso do Concello de Santiago coa cooperación internacional, “cunha convocatoria de subvencións á que destinamos 400.000 euros e da que nos sentimos profundamente orgullosas”.

O Concello reuniuse cos sectores implicados e interesados (Horeca, ocio nocturno, comercio, empresas de distribución ou a propia veciñanza) para buscar a súa colaboración na definición do novo modelo da plataforma.

O Concello de Santiago busca acadar un modelo máis sustentable e eficiente de distribución de mercadorías, e con el un novo modelo de cidade, mudando o sistema de distribución da cidade histórica coa creación dunha plataforma loxística centralizada no polígono do Tambre.

Esta nova plataforma de distribución de mercadorías é un proxecto pioneiro da loxística de última milla, con especial incidencia na distribución de produtos alimentarios, aspirando a servir de modelo para outras mercadorías, para outros centros históricos e para o resto de zonas urbanas. 

A Maker Faire Galicia celebrará o vindeiro 31 de outubro unha nova edición da súa Xornada de Industria na Casa das Máquinas de Galeras (Santiago de Compostela).

A cita está organizada en colaboración co Concello de Santiago e a Xunta de Galicia, a través do IGAPE, conta co apoio de Servicio Móvil e do Clúster TIC Galicia, e reunirá empresas, startups, investigadores e profesionais que están a transformar o tecido produtivo galego a través da innovación, a ciencia e a sustentabilidade.

O encontro, que se desenvolverá entre as 10:0 e as 16:00 horas, busca consolidarse como un espazo de referencia para compartir experiencias e conectar sectores que, desde Galicia, están a definir o futuro da industria. Ao longo da xornada sucederanse relatorios, presentacións de proxectos, espazos de networking e unha sesión dedicada ao talento galego, que poñerá en valor a capacidade innovadora do ecosistema local.

A xuntanza desenvólveuse en Ciudad Real cunha axenda centrada na intelixencia artificial e a participación cidadá

O Concello de Santiago está a participar na asemblea xeral da Rede de Entidades de Desenvolvemento Local (REDEL) que se celebra en Ciudad Real dende este mércores 22 de outubro.

Na sesión deste mércores, a REDEL aprobou o Plan de xestión e o orzamento para 2026, así como a incorporación de Villena (Alicante), co que son xa 41 as entidades asociadas, o que suma unha poboación de máis de 24.000 habitantes.

A alcaldesa de Santiago de Compostela, Goretti Sanmartín, participou esta tarde na mesa “A Axenda Urbana como Ferramenta de Gobernanza”, no marco do III Foro Urbano que organiza o Ministerio de Vivenda na Coruña. A rexedora compostelá expuxo, como exemplo de boas prácticas, as fórmulas que ten activas o Concello para promover a participación social, como son os consellos municipais, os orzamentos participativos para a mocidade, o Consello Económico e Social ou o Foro de Turismo Sustentable, cuxo regulamento se está ultimando actualmente.

O Concello de Santiago, a través do departamento de Promoción Económica, pon en marcha un plan de formación dirixido ao sector da hostalería, co obxectivo de apoiar a súa modernización, incrementar a súa competitividade, e reforzar o valor engadido das empresas hostaleiras. O programa atenderá a dúas cuestións fundamentais: a seguridade alimentaria e a transformación dixital.

A concelleira de Dereitos e Servizos Sociais, Promoción Económica e Xuventude, María Rozas, presentou o plan nunha rolda de prensa na que estivo acompañada polo presidente da asociación Hostalaria.gal, Lois Lopes, e por Eduardo Troncoso, representante da empresa encargada da formación e experto en seguridade alimentaria. A tenenta de alcaldesa explicou que o obxectivo do programa “é contribuir a fortalecer a competitividade e a calidade das pemes e as microempresas da hostalería, un sector que é fundamental para a economía de Santiago e que conta con case 1.300 persoas asalariadas”.

A concelleira de Dereitos e Servizos Sociais, Promoción Económica e Xuventude, María Rozas, foi a encargada de clausurar hoxe o Plan Integrado de Emprego do Concello de Santiago, no que participaron máis dun cento de mulleres na procura da súa inserción laboral. Preto da metade lograron ese obxectivo, grazas a un programa que inclúe titorías individualizadas, cursos formativos, ou mesmo prácticas en empresas.

O Programa Integrado de Emprego pretende mellorar a empregabilidade das persoas participantes e axudalas a desenvolver as súas competencias desde unha perspectiva ampla e integral, reforzando a súa autonomía. Para iso, ao seu abeiro desenvolvéronse nos últimos meses diferentes accións, tanto de carácter individual como colectivas, nas que participaron un total de 102 mulleres que asistiron a un total de 469 titorías ou outras intervencións individualizadas.

O Boletín Oficial da Provincia publica hoxe as bases da convocatoria dos Bonos Corazón Compostela 2025, de maneira que os establecementos comerciais e hostaleiros interesados en adherirse á campaña poderán facelo a partir do próximo luns, e os bonos estarán dispoñibles para a súa descarga desde o xoves, 16 de outubro.

O Concello, a través do departamento de Comercio, destina 300.000 euros a esta nova quenda do programa, que se suman aos 300.000 repartidos na convocatoria do mes de maio.

A campaña "12 comercios, 12 sensibilidades" visibiliza en outubro o traballo da Fundación Andrea en colaboración con Mimolett

A portavoz do Goberno, Míriam Louzao, participou esta mañá nunha reunión de traballo para programar a materialización das actuacións incluídas no Plan de acción integral (PAI) Horizonte Compostela, que suporá un investimento de 14,5 millóns de euros, dos cales o 60 por cento procede de fondos europeos Feder da Estratexia de Desenvolvemento Integrado Local (EDIL).