Na mesma liña, a consultora  PwC prevé que en 2030 en España polo menos un 4% das profesións existentes desaparecerán e a OCDE engade que polo menos un 10% dos traballos estarán en perigo de desaparecer. Pero estes datos non teñen porqué ser totalmente negativos, numerosas persoas expertas coinciden que a dixitalización traerá consigo máis empregos novos que os que desaparecerán por mor desta.

Entre os últimos atópanse tanto empregos pouco cualificados, aínda que ligados á atención personalizada (o que lles fai dificilmente sustituibles por máquinas), como empregos que requiren o uso de capacidades cognitivas (que esixen unha alta cualificación). É o chamado proceso de polarización do emprego.

Mentras, para algúns docentes, a responsabilidade de ensinar as habilidades do século 21 recae na familia, os pais e as nais non están de acordo. Tampouco hai un acordo sobre que ensinar, algúnhas persoas entrevistadas centráronse en alfabetización financeira persoal, capacitación funcional en habilidades laborais e habilidades para falar en público mentres que outras se decantaron polo desenvolvemento do carácter, como inculcar unha forte ética de traballo, ensinar resiliencia aos cambios de vida e aproveitar a capacidade de tomar decisións, entre outros.

O informe, unha enquisa nacional estadounidense publicada por Northeastern University e Gallup, revela que o 76% dos enquisados cre que a IA afectará a forma en que as persoas traballan e viven na próxima década e, sorprendentemente, o 77% ten unha visión positiva sobre este cambio.

A conclusión é que, como as persoas consideran que deben ser capacitadas no traballo, e que as empresas deben pagar por ese adestramento, as institucións de educación superior deben colaborar máis coas empresas para ofrecer oportunidades de capacitación e educación no lugar de traballo.