A próxima semana arrinca en Conxo a acción "Saber Facer Barrio 2024", impulsada pola Concellaría de Dereitos e Servizos Sociais, Promoción Económica e Xuventude, dentro do programa de activación económica "A Compostela dos barrios". Trátase de faladoiros para reflexionar sobre emprendemento e empregabilidade, e para que as persoas participantes poñan en común as súas experiencias de negocio. A iniciativa desenvolveráse en nove centros socioculturais de Santiago.

Emprendedora

Traballar en rede, comunicarse, compartir coñecementos e experiencias, implica maiores capacidades e poder de decisión. Se as universitarias emprendedoras somos capaces de organizarnos para prosperar e promocionarnos, marcaríamos unha diferenza no complexo mundo do emprendemento universitario.

Que necesitas para emprender?

Necesitas unha idea e ganas de levala a cabo. Seguindo a metodoloxía INNOVATIA 8.3 podemos axudarche a converter a túa idea en empresa

A Casa das Mulleres Xohana Torres acollerá o próximo 1 de outubro a xornada "Mulleres, líderes na economía social", organizado pola Concellaría de Dereitos e Servizos Sociais, Promoción Económica e Xuventude en colaboración coa Unión de Cooperativas Espazocoop.

A concelleira María Rozas explicou hoxe que o obxectivo é "mostrar as oportunidades que ofrecen a economía social, nomeadamente o cooperativismo, para o empoderamento das mulleres e o desenvolvemento de liderados femininos".

A Xunta de Goberno Local aprobou esta mañá as bases reguladoras da convocatoria de axudas á realización de actividades de promoción e dinamización comercial, correspondente á anualidade de 2024, que conta cun orzamento de 85.000 euros.

A concelleira de Dereitos e Servizos Sociais, Promoción Económica e Xuventude, María Rozas, visitou esta mañá na Praza de Abastos o establecemento "Cousas do Campo", protagonista de setembro na campaña "12 comercios, 12 sensibilidades". Ao longo deste mes, o establecemento de froitas e verduras está dando a coñecer o mercado labrego semanal "Daquí darredor", e poñendo en valor os produtos frescos e de proximidade.

As interioristas DenaDinteriores e Spacio-B, Almudena Rodríguez e Beatriz Barril, adscritas a Artesanía de Galicia, presentaron esta mañá Creafogar, un espazo efémero e innovador de deseño e interiorismo que reunirá a destacados profesionais, fabricantes e artesáns galegos. A concelleira de Promoción Económica, María Rozas, tamén participou na presentación deste evento que conta co apoio e colaboración do Concello de Santiago.

Tras a publicación da convocatoria no Boletín Oficial da Provincia da Coruña (BOP) de hoxe, 30 de agosto, as empresas interesadas poderán presentar as súas solicitudes desde mañá ata o 1 de outubro. Esta convocatoria conta cun orzamento de 120.000 euros.

O Boletín Oficial da Provincia da Coruña (BOP) acaba de publicar no día de hoxe as bases da terceira edición dos "Premios de excelencia empresarial Axenda Urbana 2030", convocada polo Concello de Santiago para premiar as boas prácticas empresariais en ámbitos como a conciliación, a innovación ou a economía circular, entre outros. O prazo de presentación de candidaturas estenderase desde mañá, 3 de setembro, ata o 1 de outubro.

No ámbito da promoción económioca, a Xunta de Goberno deu luz verde esta mañá ás bases reguladoras e ás convocatorias dos III Premios a excelencia empresarial Axenda Urbana 2030, por un valor de 60.000 euros, e das axudas destinadas a apoiar ás empresas de Economía Social de Santiago, que contará cun orzamento de 120.000 euros. A alcaldesa Goretti Sanmartín deu detalle destas iniciativas na rolda de prensa desta mañá.

A concelleira de Dereitos e Servizos Sociais, Promoción Económica e Xuventude, María Rozas, presentou hoxe a campaña "Feito en Santiago", unha acción que ten como obxectivo "poñer en valor as iniciativas empresariais locais que contribúen ao desenvolvemento económico do noso municipio". A iniciativa enmárcase no programa "Compostela Móvese" de apoio á cultura emprendedora, e vaise desenvolver ata o mes de novembro.