Desde as principais entidades explicaron a Efe que non pararon de recibir peticións desde que se anunciou, por parte do Goberno, que o Estado avalaría o novo crédito que se concedese para afrontar os efectos económicos da pandemia do COVID-19. Cada banco foi recibindo esas peticións, que na maioría das entidades consultadas superou con fartura a cota que lles corresponde, e analizaron cada caso para determinar se o autónomo ou empresa é viable para darlle un crédito.