O primeiro dos estudos realizado para Turismo de Santiago, como líder do proxecto BODAH, tiña como fin, salientou Flavia Ramil, "medir e entender mellor o comportamento tanto dos visitantes como dos residentes das cidades patrimoniais do Espazo Atlántico para facilitar a súa xestión e lograr un turismo sostible".

Esas regulacións buscan, sobre todo, estimular a chegada de persoas viaxeiras que se aloxen na cidade, e que non pasen só polo día, como o caso das persoas cruceiristas. Por exemplo, os cruceiros xa non pasan pola fronte histórica da cidade e atracan máis lonxe. Certas zonas de Venecia ademais son pechadas ao turismo en determinados momentos do ano para non interferir coa actividade da poboación residente local. Pero para este ano espéranse máis cambios e un é bastante radical como medida: cobrar unha taxa ás persoas que só pasen pola cidade polo día.