A xornada estará protagonizada por Miguel Pardellas Santiago, de Feitoría Verde. Esta cooperativa conta cunha extensa traxectoria promovendo proxectos participativos arredor da educación e o coidado ambiental. Neste senso, o testemuño de Pardellas servirá como exemplo de contribución á loita contra o cambio climático e a resiliencia, poñendo o foco na acción comunitaria para o coidado da contorna de Compostela.