A alcaldesa de Santiago de Compostela, Goretti Sanmartín, vén de participar na constitución da Asemblea do Grupo de Cidades Patrimonio da Humanidade que tivo lugar esta mañá na sala nobre da Casa Castellarnau de Tarragona. Nunha xuntanza previa, que tivo lugar na tarde de onte na Casa Consistorial da cidade, constituíse a Comisión Executiva da que forma parte a alcaldesa de Santiago xunto aos alcaldes de Tarragona, La Laguna, Segovia e Salamanca.