A Asemblea do Grupo de Cidades Patrimonio da Humanidade de España (GCPHE), máximo órgano de goberno da entidade, celebrarase na cidade de Tarragona o vindeiro sábado 29 de xullo. Á reunión, que arrancará ás 10:00 horas na Sala Gótica do Pretorio Romano, asistirán os alcaldes e alcaldesas das 15 cidades membros desta entidade sen ánimo de lucro e declarada de Utilidade Pública, que reúne ás cidades españolas cuxos centros históricos foron inscritos na Lista do Patrimonio Mundial da UNESCO e que en 2023 celebra o 30 aniversario da súa creación.