Tras a súa publicación no día de hoxe no Boletín Oficial do Estado, o Concello de Santiago abrirá a partir de mañá, 14 de febreiro, o prazo de solicitude para participar na convocatoria de 59 prazas de persoal funcionario de carreira das escalas de Administración xeral (31) e de Administración especial (25), así como tres prazas de persoal laboral fixo. Estas novas prazas así como as do proceso de estabilización e a próxima convocatoria de promoción internas, suman un total de 222 prazas.