A Xunta de Goberno Local acordou remitir á Secretaría Xeral de Calidade e Avaliación Ambiental a solicitude de inicio do procedemento de avaliación ambiental estratéxica simplificada do "Plan especial da parcela dotacional de servizos urbanos SU-3", formulado de oficio polo Concello de Santiago. Neste parcela, situada a carón de MercaGalicia, é onde está previsto construir, segundo explicou o alcalde, Xosé Sánchez Bugallo, o centro de distribución de mercadorías.

A feira, que forma parte do proxecto #EuCompost_ela, impulsado polo Concello de Santiago e a Unión de Consumidores de Galicia,
celebrarase o venres 23 e sábado 24 e reunirá a persoas expertas e empresas referentes do eido da sostibilidade. A entrada será de balde e as persoas asistentes poderán gañar un premio.

O obxectivo principal deste programa de dinamización económica "Compostela Móvese 2022" é o de impulsar un modelo económico para a Gran Compostela que aproveite as fortalezas da cidade: capitalidade, proxección internacional, Universidade, cultura e patrimonio, sempre cumprindo os criterios de sustentabilidade do territorio. A inscrición poderá realizarse ata o 23 de setembro.

O Concello de Santiago e a Universidade de Santiago (USC) colaboran un ano máis para organizar a IV edición da Feira de Emprendedoras de Compostela, que esta edición porá o foco nas entidades do sector artístico e cultural da cidade e a súa contorna. Este evento, destinado a emprendedoras de Compostela e a súa contorna, así como a universitarias como futuras empregadas e creadoras de emprego, será por cuarto ano consecutivo un punto de encontro e de intercambio entre mulleres referentes e outras emerxentes no mundo do emprendemento.

Desenvolvido no marco do programa SMARTIAGO, este vehículo pretende mellorar o transporte de mercadorías no centro da cidade e reducir as emisións contaminantes. A iniciativa contará cun Living Lab, un espazo vivo destinado a asesorar a emprendedores e empresas no uso da plataforma. O proxecto foi presentado esta mañá en Santiago nun acto que contou coa presenza do alcalde e de varios membros da Corporación municipal, entre outras autoridades.

O alcalde de Santiago, Xosé Sánchez Bugallo, e o delegado do Goberno en Galicia, José Miñones, verificaron esta mañá en Compostela a aplicación do desconto do 30% no prezo do autobús urbano que entrou en vigor este mes grazas ás axudas activadas polo Ministerio de Transportes para paliar a inflación e os efectos da crise enerxética. O rexedor amosou a súa satisfacción polo repunte no uso do transporte público, que xa se sitúa en niveles anteriores á pandemia. No acto tamén estaba presente o concelleiro de Mobilidade, Gonzalo Muíños.

Na sesión extraordinaria do Pleno celebrada este luns, a Corporación municipal aprobou unha nova apertura da información pública da modificación puntual do título III do Plan xeral de ordenación municipal (PXOM), cuxo obxectivo é preservar a función residencial da cidade, e, ao mesmo tempo, garantir a dotación daqueles usos e actividades complementarias que proporcionan servizo á poboación residente. Tamén se aprobou o Plan de Acción Local para a Axenda Urbana 2030 de Santiago e se fixaron o día da Ascención (18 de maio) e San Roque (16 de agosto) como festas locais para o 2023.

Grazas a esta rebaixa o bono ordinario pasará de 0,60 euros por viaxe a 0,42 euros; o bono escolar, de 0,40 euros por viaxe a 0,28 euros; e o bono mensual, de 26 euros ao mes, a 18,20 euros. A medida entrará en vigor o 1 de setembro e aplicarase directamente ao recargar o correspondente bono, sen necesidade de ningún trámite máis.

A concelleira de Medio Ambiente, Mila Castro, presentou esta mañá no parque de Galeras a nova imaxe e a web do servizo de limpeza viaria, santiagosostible.gal, un punto de encontro da cidadanía co servizo. Este espazo servirá para facer máis accesible a información e simplificar certos trámites, como por exemplo a solicitude de composteiros, e permitirá tamén achegar dúbidas e suxestións ou contactar co servizo de recollida de voluminosos a domicilio, entre outros. Na rolda estivo acompañada por técnicos do Concello e responsables da concesionaria do servizo.

Os establecementos hoteleiros de Santiago xa superan as pernoctacións acumuladas nos sete primeiros meses do ano 2019 confirmando a forte reactivación turística da cidade