O recentemente recuperado edificio da Casa das Máquinas de Santiago acolleu a presentación do evento que pecha a programación do 30 aniversario da creación do Grupo de Cidades Patrimonio da Humanidade, o vindeiro sábado 14 setembro. A presidenta do Grupo, Goretti Sanmartín, aproveitou a presentación para explicar que A Casa das Máquinas, aberta ao público hai tan só un mes, é un dos poucos exemplos de arquitectura industrial de comezos do século pasado e unha das mostras máis emblemáticas do modernismo en Compostela.