Establecendo esta Orde no seu artigo 14, punto 1 apartado b) que o Plan de Negocio empresarial presentado  “deberá ter informe sobre a súa viabilidade económica e financeira por entidade independente entre os que figuran  a unidade de Galicia Emprende e os axentes de emprego e desenvolvemento local”e de cara a dar resposta ao elevado número de solicitudes deste informe ante o Servizo de Apoio a Empresa, informase do procedemento a seguir polas persoas interesadas para a súa solicitude e emisión:

1. O informe de viabilidade económica e financeira deberá ser solicitado pola persoa interesada na instancia que se pode descargar nesta web, mediante a presentación da mesma acompañada da documentación indicada na mesma por rexistro.
2. A instancia deberá vir necesariamente acompañada dunha copia compulsada da solicitude presentada pola persoa interesada ante a Xunta de Galicia para concorrer á citada orde de axudas ao traballo autónomo.
3. A emisión de informes realizarase por rigurosa orde de entrada en rexistro.