PREMIOS AO COMERCIO COMPOSTELÁN 2013

Un ano máis, búscase premiar ao comercio de Compostela pola súa participación no sostemento económico da nosa cidade e o seu papel protagonista no eido do social e cultural. Compromiso, amabilidade, asesoramento, proximidade, innovación… son algunhas das moitas razóns que fan que poidamos afirmar que TEMOS UN COMERCIO DE CINE.

Os comercios poderán optar a unha ou varias das seguintes categorías:Comercio de BarrioPremiarase ao comercio que, por votación popular, destaque pola súa traxectoria nos barrios e por prestar ese valor engadido de confianza e trato familiar que caracteriza aos negocios de proximidade.
Aspectos a valorar:

Compromiso e participación nas actividades sociais e veciñais
Trato personalizado e “familiar” cos clientes

Comercio AgarimoPremiarase ao comercio que, segundo as votacións dos propios clientes, destaque pola súa amabilidade, simpatía e servizo posvenda.
Aspectos a valorar:

Excelencia na atención ao público
Satisfacción do cliente
Servizo posvenda

Comercio InnovaciónRecoñecerase a incorporación das novas tecnoloxías e técnicas de marketing innovador tanto no funcionamento diario dos comercios coma na fidelización e relación cos clientes.
Aspectos a valorar polo xurado:

Emprego de plataformas de comercio online
Xestión administrativa do comercio mediante o uso da sinatura electrónica, factura electrónica…
Utilización das redes sociais como canle de comercialización e comunicación co seu público
Deseño interior e exterior do establecemento
Innovación dos produtos ou servizos ofertados

Comercio EmprendeValorarase o espírito emprendedor dentro do comercio local.
Aspectos a valorar polo xurado:

Idade do promotor/a
Tipo de negocio posto en funcionamento
Capacidade de xeración de emprego
Diferenciación e iniciativas de éxito

Comercio VeteranoRecoñecerase o labor deses pequenos comercios familiares que desenvolven hai anos a súa actividade en Compostela, demostrando a súa capacidade de permanencia e adaptación aos novos tempos.
Aspectos a valorar polo xurado:

Antigüidade e traxectoria
Explotación familiar do negocio sen producirse traspasos

Comercio ActivoTerase en conta aquelas iniciativas de asociacións ou grupos de comerciantes que destaquen por promover a dinamización do comercio local.
Aspectos a valorar polo xurado:

Actuacións de apoio ao comercio levadas a cabo
Nº de comercios agrupados
Orixinalidade das iniciativas

Data inicio do prazo de inscrición

Mié, 20/03/2013 - 12:00

Dirixido

Poderán presentarse aos “Premios ao Comercio Compostelán 2013” calquera dos establecementos comerciais polo miúdo de Compostela.

Requisitos

As candidaturas poderán ser presentadas polos propios comercios, polas asociacións de comerciantes ou polo Concello. Para presentar candidatura é preciso cubrir o boletín de inscrición correspondente, dispoñible na páxina web www.santiagocomerciodecine.com. Todas as inscricións realizadas deste xeito confirmaranse por correo electrónico cun acuse de recibo. No caso de non recibir confirmación no prazo de 24 horas, contactar directamente coa organización no teléfono de información: 881168283 O boletín de inscrición tamén poderá entregarse, debidamente cuberto, en calquera dos rexistros municipais. Nas categorías “Comercio de Barrio” e “Comercio Agarimo” o voto farase efectivo na mesma páxina web www.santiagocomerciodecine.com admitíndose un só voto por cada correo electrónico. Unha vez cuberto o formulario de votación poderá visualizar na pantalla unha mensaxe confirmando que o voto se emitiu correctamente.