Os seminarios Aspectos básicos das empresas de inserción laboral están dirixidos a profesionais das diferentes administración públicas e de entidades de iniciativa social das áreas de inclusión social e servizos socios e de emprego (técnicos e técnicas de emprego.)

Con este seminario preténdese aportar os coñecementos básicos sobre os aspectos de carácter técnico e procedimental relacionados coas empresas de inserción.

Os seus obxectivos son: 

• Sensibilizar sobre a figura das empresas de inserción laboral e a inserción sociolaboral en Galicia.
• Facilitar a relación dos técnicos e técnicas de inclusión social, servizos sociais e emprego coas empresas de inserción laboral e coas súas entidades promotoras.
• Unificar criterios e procedementos no análise e acreditación das situacións de exclusión social determinantes da incorporación a unha empresas de inserción laboral.
• Apoiar a creación de novas empresas de inserción en Galicia.

Cada seminario conta con 15 prazas e son gratuitos. As persoas interesadas poden obter máis información na Asociación de Empresas de Inserción de Galicia (AEIGA).