A solicitude deberá ir acompañada da seguinte documentación:

1. Alta no réxime de Seguridade Social ou Mutua profesional, elixido dos socios das persoas solicitantes.

2. Certificado de situación censual actual da AEAT. Deberá constar epígrafe da actividade, data de alta, e domicilio da actividade.

3. Escritura de constitución e/ou posteriores modificacións, da sociedade ou cooperativa, ou sociedade laboral, no seu caso.

4. NIF/CIF da empresa.

5. DNI da persoa que ostente a representación da sociedade e documento que acredite dita representación.

6. Orixinal ou fotocopia compulsada do poder suficiente outorgado para a tramitación desta axuda a un terceiro por representante da empresa, así como DNI da persoa á que se lle outorga representación no caso de ter delegada a un terceiro alleo á empresa a tramitación da solicitude de axuda.

7. Declaración de todas as axudas solicitadas ou concedidas, durante o tres anos anteriores, polas administracións públicas competentes ou entes públicos, nacionais ou internacionais ou, de ser o caso, unha declaración de que non se solicitou nin obtivo outras axudas ou subvencións (Anexo I) .

8. Unha Memoria que conteña toda a información relativa á actividade económica da empresa, útil para a súa valoración de acordo con o baremo establecido, e que recolla a seguinte información:

Ø Breve historia da empresa.

Ø Actividade da empresa: Epígrafes IAE, produtos ou servizos para a venda.

Ø Tipo de empresa de economía social (sociedade laboral, centro especial de emprego, ou clase de cooperativa).

Ø Tamaño da empresa: En función da definición de microempresa, pequena e mediana empresa da UE, deberase indicar o tamaño da empresa (persoal, facturación, balance)

Ø Persoas que conforman a empresa: Acodes socias traballadoras, de clase xeral, asalariadas, así como a estrutura e organigrama da empresa. Especial mención ao emprego feminino.

Ø Uso do idioma galego na actividade da empresa.

Ø Outras informacións de interese, como o uso de TIC, actividades de internacionalización da empresa, etc.

Ø Orzamento de gastos subvencionables.

A extensión da memoria será de sete páxinas como máximo.

9. Calquera outra documentación que se estime necesaria para a baremación do expediente.

OUTRA INFORMACIÓN:

Gastos subvencionables Terán a consideración de gastos subvencionables os considerados como correntes realizados e pagos entre o 1 de xaneiro de 2023 e o 1 de outubro de 2023. En concreto, os definidos no grupo 6 do PGC de PEMES seguintes:

-Subgrupo 60: Contas 600, 601 e 602 correspondentes a compras de mercadorías, compras de materias primas, e outros aprovisionamentos.

Ø Subgrupo 62: Servizos exteriores, excepto a conta 620 “Gastos de investigación e desenvolvemento.

Ø Subgrupo 64: Contas 640, 642 e 647 correspondentes a salarios, anticipos societarios das persoas socias traballadoras de cooperativas e Seguridade social a cargo da empresa.

Non serán subvencionables, en ningún caso, os investimentos en activo ou que poidan activarse nun futuro.

Os gastos teñen que ser pagados por transferencia bancaria, domiciliación bancaria, talón bancario ou mediante cartón de crédito. Segundo o artigo 29.8º da Lei 9/2007, en ningún caso considéranse gastos subvencionables os impostos indirectos cando sexan susceptibles de recuperación ou compensación nin os impostos persoais sobre a renda. Segundo o establecido no artigo 31.2 da Lei Xeral de Subvencións, modificado por artigo 11 da Lei 18/2022, de 28 de setembro de 2022, de creación e crecemento de empresas, os gastos subvencionables deber ter sido aboados nos prazos de pagamento previsto na normativa sectorial que lle sexa de aplicación á empresa ou no seu defecto nos establecidos na Lei 3/2004 de 29 de decembro pola que se establecen medidas de loita contra a morosidade nas operacións comerciais Estas axudas teñen carácter finalista polo que o importe da subvención concedida non poderá ser empregado con outros fins.