En 2008 a Concellaría de Promoción Económica organizou 59 cursos que sumaron máis de 4.500 horas lectivas, e nos que se ofertaron unhas 800 prazas de formación. Estes cursos pertencían aos seguintes programas: Plan de FIP (Formación e Inserción Profesional), Plan de Formación do Concello de Santiago, Proxecto Crear V, e Obradoiro de Emprego Compostela Natural.

Só a través do Plan de Formación (estruturado a través dos programas da Rede de Cooperación Local e de Compostela Activa), o ano pasado impartíronse 28 accións formativas que sumaron 738 horas de formación e das que se beneficiaron 456 persoas.