Tech-Brokerage Norte de Portugal-Galicia
No marco da Estratexia de Especialización Intelixente Transfronteiriza Galicia-Norte de Portugal, a Axencia Nacional de Innovación de Portugal ( ANI) está a organizar un evento de brokerage tecnolóxico co obxectivo de promover o encontro entre a oferta e demanda de capacidades e ideas para impulsar novos proxectos de I+D en colaboración, nas áreas de especialización das rexións de Galicia e de Norte.
Data: 11/05/2021
Organiza: ANI – Axencia Galega de Innovación ( GAIN)
En liña
Este evento será o primeiro brokerage tecnolóxico orientado a Horizonte Europa no conxunto das dúas rexións.
O evento está organizado co apoio da EEN- Enterprise Europe Network, e en colaboración coa Axencia Galega de Innovación, a CCDR- N (Comisión de Coordinación e Desenvolvemento Rexional do Norte), o CDTI (Centro para o Desenvolvemento Tencológico e Industrial) e a AICIB (Axencia de Investigación Clínica e Innovación Biomédica).
Realizaranse catro sesións temáticas paraledas, dinamizadas polos Puntos Nacionais de Contacto dos ámbitos de Horizonte Europa, para a presentación e discución de oportunidades de financiamento e desenvolvemento de consorcios.