O Programa Connect-19 ten como obxectivo impulsar e fortalecer o acceso ao mercado de solucións innovadoras do tecido empresarial galego que poidan contribuír a reducir o impacto social e económico provocado pola enfermidade COVID-19. Con carácter aberto (non restrinxido unicamente ás empresas beneficiarias) organizaranse dúas xornadas formativas en formato virtual cun carácter eminentemente práctico e temáticas relacionadas con competencias comerciais de produtos e servizos innovadores.