Innovaugas 4.0 é un proxecto de compra pública de innovación (CPI) promovido por Augas de GAlicia, entidade púbica empresarial dependente da Consellería de Infraestruturas e Mobilidade da Xunta de GAlicia. O proxecto está cofinanciado polo Fondo Europeo de Desenvolvemento Rexional FEDER a través do Programa Operativo Plurirrexional de España (POPE) 2014-2020.

Persegue a xestión integrada avanzada das augas para optimizar os recursos hídricos e dar resposta a longo prazo ás demandas dos diferentes usos da auga, en equilibrio co medio natural e os ecosistemas fluviais, respectando o logro dos obxectivos ambientais establecidos para as masas de auga e atendendo aos novos escenarios determinados polo cambio climático.