En consecuencia, os pagos en concepto de intereses e amortizacións dos referidos préstamos que debesen realizarse polos beneficiarios do préstamo a partir da entrada en vigor deste real decreto-lei, serán esixibles na mesma data do ano seguinte ao que figura na resolución de concesión do préstamo, sen que iso implique o pagamento de intereses adicionais.

Esta suspensión aplícase a préstamos concedidos ao amparo das disposicións seguintes:

• Orde IET/2481/2012, do 15 de novembro, pola que se aproban as bases reguladoras da concesión de axudas para proxectos e actuacións dentro do programa Emprendetur I+D+i composto polas liñas Emprendetur I+D e Emprendetur Desenvolvemento de produtos innovadores no marco do Plan Nacional e Integral do Turismo (BOE núm. 279, do 20 de novembro de 2012).
• Orde IET/476/2013, do 14 de marzo, pola que se modifica a Orde IET/2482/2012, do 15 de novembro, pola que se establecen as bases reguladoras da concesión de axudas para proxectos e actuacións dentro do programa Emprendetur Novos Emprendedores no marco do Plan Nacional e Integral do Turismo (BOE núm. 73, do 26 de marzo de 2013).
• Orde IET/2200/2014, do 20 de novembro, pola que se aproban as bases reguladoras da concesión de axudas para proxectos e actuacións dentro do programa Emprendetur Internacionalización no marco do Plan Nacional Integral de Turismo (BOE núm. 285, do 25 de novembro de 2014).