CAMARA COMPOSTELA

Selo "comercio de confianza"

23/05/2020

A Cámara de Comercio de España e a rede de Cámaras territoriais poñen en marcha o selo “Comercio de Confianza”, que acredita que os comercios cumpren os protocolos sanitarios e de seguridade establecidos no Protocolo e Guía de Boas Prácticas da Secretaría de Estado de Comercio.

Cunha sinxela e rápida tramitación telemática para achegar a documentación requirida e unha declaración responsable de elaborar o correspondente Protocolo de actuación en materia de seguridade e hixiene, o comercio obterá un distintivo que acreditará ante os clientes que o establecemento cumpre as normas para proporcionar unha experiencia de compra segura.

As Cámaras de Comercio poderán levar a cabo verificacións aleatorias tras a emisión do certificado para comprobar o cumprimento do Protocolo presentado pola empresa, que deberá actualizarse en función de novidades que poidan introducirse no Protocolo e Guía de Boas Prácticas da Secretaría de Estado de Comercio.

Estado da convocatoria: En prazo de inscrición

Compartir:
CAMARA COMPOSTELA